Imprimir

25 03 15 PUERTOS DE MARABIO - ENTRAGO

 

PUNTO DE SAÍDA TRAZADO DA RUTA GALERÍA DE FOTOS PDF CASTELÁN MAPA PARA IMPRIMIR

 

SITUACIÓN: Teverga (Asturias)

PUNTO DE PARTIDA: Casa Don Pablo (980 m)

ACCESO: Desde o aparcadoiro de Entrago pola estrada que sobe aos Puertos de Marabio.

HORARIO: 4/5 h.                DESNIVEL: 150 m de subidas / 700 m de baixadas                          

DISTANCIA: 11,5 km         DIFICULTADE: Baixa                    TIPO DE RUTA: Travesía

COTA MÍNIMA: Entrago (430 m)            COTA MÁXIMA: Alto de Santiago (1.080 m)

MAPA: I.G.N. – 52 – III

SINOPSE: Los Puertos de Marabio, declarados Monumento Natural, están situados nunha área de praderías de media montaña no centro de Asturias. Esta sinxela ruta permítenos gozar dun agradable paseo por unha fermosa zona batuxada de cabanas de pastores e con peculiares formas cársticas, sumidoiros e vales cegos conectados entre si por importantes cavidades subterráneas como o sistema de Vegalonda con 5.900 m de lonxitude.

 

DESCRICIÓN DA RUTA: O lugar habitual é a ermida de Santa Ana pero para evitar un tramo de pista asfaltada, comezaremos uns metros máis arriba da casa Don Pablo, enfronte a onde sae o camiño ao pico Caldoveiru. 

            Camiñamos pola pista asfaltada en dirección a Yernes y Tameza uns dous quilómetros, lugar onde aparece pola esquerda unha pista. Seguimos esta pista en dirección sur que baixa suavemente para atravesar o regato Vega Prao, a partir do cal, a pista comeza unha suave subida.

            Á dereita queda unha fonte con bebedeiro e case sen esforzo, chegamos ao punto máis alto deste percorrido (1.080 m), o Alto de Santiago. Deste lugar, pola dereita sae unha pista que vai ao Collado de Santa Cristina e serve de acceso a varias brañas.

            Obviamos este ramal para seguir de fronte pasando axiña xunto a unha cerca de gando. Seguimos baixando suavemente con boas vistas das praderías e cabanas ata que chegamos a outra bifurcación onde se sitúa a braña de La Monxal. Nesta ocasión, deixamos a pista principal que vai a Villamayor para coller o ramal pola esquerda que sobe en dirección sur este.

            Acadamos unha zona chan desde a que vemos de fronte a capela de Santa Ana. A pista baixa para atravesar o regato de Las Barcas e accedendo a pista asfaltada pola que xa pasamos no bus. Seguimos uns metros por esta pista, subindo aos prados pola rampla que aparece pola dereita.

            Seguimos por este camiño ata que aparece á nosa dereita o miradoiro ao que nos achegamos para contemplar as vistas que nos ofrece. Baixamos do miradoiro en dirección á capela, que ten unha parte aberta que tamén podemos visitar.

            A continuación cruzamos o prado ata unha pista que sae na súa parte superior. Unha vez na pista, seguimos baixando en dirección a Gradura pasando enseguida a camiño empedrado. Este camiño con moita arborada baixa paralelo as penas ata a aldea de Gradura situada a 700 m de altitude.

            Descendemos polas empinadas rúas de Gradura ata a parte baixa do lugar saíndo del polo camiño vello que nos vai levar á estrada asfaltada que baixa de Marabio. Seguimos un tramo por esta estrada collendo un pequeno atallo que pasa polo barrio de Los Senos.