25 09 17 BARRANCO DE ARTASO
| PUNTO DE SAÍDA | TRAZADO DA RUTA | GALERÍA DE FOTOS | PDF CASTELÁN | MAPA PARA IMPRIMIR |
SITUACIÓN: Ojacastro (A Rioxa)
PUNTO DE PARTIDA: Ojacastro (800 m)
ACCESO: Ojacastro está na estrada LR – 111
HORARIO: 6/7 horas DESNIVEL: 600 m DISTANCIA: 18 km
DIFICULTADE: Media TIPO DE RUTA: Circular
COTA MÍNIMA: Ojacastro (800 m)
COTA MÁXIMA: Refuxio de Zabarrula (1.200 m)
MAPAS: I.G.N. – 202 – III – IV
DESCRICIÓN DA RUTA: Percorremos a poboación de Ojacastro en dirección noroeste buscando o camiño que leva á ermida de Santo Angel que atopamos ao chegar as últimas casas do lugar.
Collemos á dereita seguindo este camiño mentres gañamos altura por este sinxelo traxecto que nos leva á ermida, e unha vez nela, achegámonos a ver o que queda do antigo pozo de neve, para seguir por detrás da ermida onde buscamos un escondido carreiro que baixa cara ao Arroyo del Ángel.
Á altura do rego cruzamos unha pista para seguir de fronte, na mesma dirección que traíamos, xunto a unhas granxas que nos levará a conectar con o camiño de sobe polo Barranco de Artaso.
Esta é a parte máis sobresaínte da ruta, un tramo moi fermoso nun entorno natural. Entramos no faial levando o rego á dereita e a ladeira do monte á esquerda. Hai algunhas marcas nas árbores e o carreiro está pouco definido pero a dirección é clara pois temos que ir sempre a media ladeira en dirección noroeste.
A subida é continua pero non afoga polo que seguimos avanzando entre faias ata a parte media do Barranco de Artaso onde o carreiro pasa varias bagoadas entre acivros e enormes faias. Chegado a un punto, temos que prestar atención pois a pista invítanos a seguila pero a nosa dirección busca a parte superior do barranco polo que xiramos á esquerda e cruzamos por unha pista ben marcada, a cal seguimos ata a altura dun enorme carballo chamado o Rebollo de Zamaquias.
Desde esta árbore singular seguimos a pista que hai enfronte para ir saíndo do faial ata que, chegado a un punto, a pista pérdese e de novo nos atopamos entre faias, subimos uns metros buscando o cordal e sen dificultades saímos á pista que vai de Ojacastro a Coto Sordo.
Unha vez na pista, seguimos por ela ata chegar á parte alta onde se cruza con a principal que vai polo cordal. Xiramos á esquerda por terreo moito máis aberto que nos ofrece boas vistas. Seguimos a pista deixando desvíos á dereita e esquerda ata preto do Cerrito de los Mojones onde a pista se bifurca collendo o ramal que baixa á esquerda polos prados. Estamos atentos para dar con o refuxio de Zabárrula.
Á saída do refuxio temos dúas opcións. Atopar un carreiro que sae en dirección sur para facer amplos zigzags ata o despoboado de Amunartia ou seguir pola pista uns metros para abandonala un pouco máis adiante por terreo despexado.
Calquera das opcións van levarnos á Amunartia, que cruzamos para saír á pista asfaltada. Seguiremos esta pista todo en baixada que nos levará de novo a Ojacastro.